‘ എപ്പോഴും, മുന്പത്തേതിലും ശക്തമായി അവള്ക്കൊപ്പം’; നടിയെ ആക്രമിച്ച കേസികോടതി വിധിക്ക് പിന്നാലെ പ്രതികരണവുമായി റിമ കല്ലിങ്കല്
രാജ്യ ശ്രദ്ധ നേടിയ നടിയെ ആക്രമിച്ച കേസിൽ കോടതി വിധി വന്നതിന് പിന്നാലെ പ്രതികരണവുമായി നടി റിമ കല്ലിങ്കല്. മുന്പ് ഒരു വേദിയില് അതിജീവിതയ്ക്കൊപ്പമെന്ന നിലപാട് അറിയിച്ചുകൊണ്ട് താന് ഉയര്ത്തിയ അവള്ക്കൊപ്പം എന്ന് എഴുതിയ ബാനറിന്റെ ചിത്രമാണ് റിമ കല്ലിങ്കല് സമൂഹ മാധ്യമങ്ങളിൽ പങ്കുവെച്ചിട്ടുള്ളത്. എപ്പോഴും, മുന്പത്തേതിലും ശക്തമായി അവള്ക്കൊപ്പം എന്ന ക്യാപ്ഷ്യനോടെയാണ് റിമ കല്ലിങ്കൽ ചിത്രം പങ്കുവെച്ചിരിക്കുന്നത്. അതിജീവിതയ്ക്കൊപ്പം ആദ്യം മുതൽ നിൽക്കുകയും അവർക്കുവേണ്ടി സംസാരിക്കുകയും ചെയ്ത ആളായിരുന്നു റിമ കല്ലിങ്കല്. നടി ആക്രമിക്കപ്പെട്ട കേസിന് പിന്നാലെ രൂപീകരിക്കപ്പെട്ട സിനിമയിലെ വനിതകളുടെ സംഘടനയായ ഡബ്ല്യുസിസിയിലെ ശക്തമായ സ്ത്രീ സാന്നിധ്യം കൂടിയാണ് റീമ കല്ലിങ്കൽ.
