കളമശേരി മെഡിക്കൽ കോളേജിലെ ഒരു വിഭാഗം നഴ്സുമാർ സമരത്തിലേക്ക്…

കൊച്ചി: കളമശേരി മെഡിക്കൽ കോളേജിലെ ഒരു വിഭാഗം നഴ്സുമാർ സമരത്തിലേക്ക്. മെഡിക്കൽ കോളജിൽ നിർബന്ധിത സേവനം ചെയ്യുന്ന വിദ്യാർത്ഥികളാണ് തിങ്കളാഴ്ച്ച മുതൽ സമരം പ്രഖ്യാപിച്ചത്. രാത്രി സേവനം കേരളത്തിലെ മറ്റ് മെഡിക്കൽ കോളേജുകളിലുളളത് പോലെ ആക്കണമെന്നാണ് ആവശ്യം.

നിലവിൽ ഒൻപത് ദിവസത്തെ ഇടവേളയിലാണ് രാത്രി സേവനം ചെയ്യേണ്ടി വരുന്നത്. മറ്റ് കോളേജുകളിൽ ഇത് 12 ദിവസത്തെ ഇടവേളയിലാണ്. ജീവനക്കാരുടെ കുറവാണ് ഇടവേള കുറയാൻ കാരണമെന്ന് മെഡിക്കൽ കോളേജ് വിശദീകരിക്കുന്നു.