ആലപ്പുഴയിൽ ദേശീയപാതാ നിർമ്മാണത്തിനിടെ തീപിടിത്തം….
ആലപ്പുഴ: ആലപ്പുഴയിൽ ദേശീയപാതാ നിർമ്മാണത്തിനിടെ തീപിടിത്തം. അരൂർ തുറവൂർ ഉയരപ്പാതയിൽ 189-ാം നമ്പർ പില്ലറിലാണ് തീപിടിത്തമുണ്ടായത്. പാലത്തിന്റെ സേഫ്റ്റി നെറ്റ് കത്തി നശിച്ചു. വെൽഡിങ് വർക്കിനിടെ സേഫ്റ്റി നെറ്റിന് തീ പിടിക്കുകയായിരുന്നു. ആർക്കും പരിക്കില്ല. അരമണിക്കൂറിലധികം കഴിഞ്ഞാണ് തീ അണച്ചത്. പ്രദേശത്ത് ഒരു മണിക്കൂറോളം ഗതാഗതം തടസം നേരിട്ടു.
