മാവേലിക്കരയിൽ നിയന്ത്രണം വിട്ട കാർ ഇടിച്ചു വഴിയാത്രക്കാരൻ മരിച്ചു
മാവേലിക്കര- നിയന്ത്രണം വിട്ട കാർ ഇടിച്ചു വഴിയാത്രക്കാരൻ മരിച്ചു. പോനകം ളാഹ ജംഗ്ഷനു സമീപം ബിജു ഭവനത്തിൽ ബിജു ജി.പിള്ള (52) ആണ് മരിച്ചത്. ഇന്ന് രണ്ടരയോടെ മാവേലിക്കര – ഓലകെട്ടിയമ്പലം റോഡിൽ ളാഹ ജംക്ഷനു വടക്കുവശം ആയിരുന്നു അപകടം. വീടിനോട് ചേർന്ന് ബേക്കറി നടത്തുന്ന ബിജു റോഡിന് എതിർവശത്തുള്ള ലോട്ടറി കടയില്‍ നില്‍ക്കുന്നതിനിടെ മാവേലിക്കര ഭാഗത്തേക്ക് വന്ന ഇന്നോവ കാര്‍ നിയന്ത്രണം വിട്ട് ബിജുവിനെ ഇടിക്കുകയായിരുന്നു. ഉടൻ തന്നെ മാവേലിക്കര ജില്ലാ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം കായംകുളം താലൂക്ക് ആശുപത്രി മോര്‍ച്ചറിയില്‍. ഭാര്യ: യമുന. മക്കൾ. നിധിൻ, നന്ദന. സംസ്കാരം വെള്ളിയാഴ്ച ഉച്ചക്ക് 1ന്.
