വയലില്‍ പോത്തിനെ മേയ്ക്കാന്‍ എത്തി, പരിചയപ്പെട്ടു… പക്ഷേ ആദ്യമായി പീഡിപ്പിച്ചത് ബന്ധു, 8 വര്‍ഷം മുമ്പ്….
പത്താം ക്ലാസ് വിദ്യാർഥിനിയെ ലൈംഗീകമായി പീഡിപ്പിച്ചുവെന്ന പരാതിയില്‍ ഇലക്ട്രീഷ്യനായ യുവാവിനെ പോക്സോ വകുപ്പ് ചുമത്തി അറസ്റ്റ് ചെയ്തു. കണ്ണൂർ ജില്ലയിലെ പി അനസി (23) നെയാണ് ടൗണ്‍ സിഐ ബിനു മോഹനനും സംഘവും അറസ്റ്റ് ചെയ്തത്. പത്താം ക്ലാസ് വിദ്യാർഥിനി ക്ലാസില്‍ പഠനത്തില്‍ മൂകത കാട്ടാന്‍ തുടങ്ങിയപ്പോള്‍ കൗണ്‍സിലിങ്ങിന് വിധേയമാക്കുകയും തുടര്‍ന്ന് വിദ്യാർഥിനി പീഡനവിവരം അധ്യാപികയോട് പറയുകയുമായിരുന്നു. വയലില്‍ പോത്തിനെ മേയ്ക്കാന്‍ എത്തിയ പ്രതി പരിചയപ്പെടുകയും നിരവധി തവണ പീഡിപ്പിച്ചുവെന്നുമാണ് പെണ്‍കുട്ടി വെളിപ്പെടുത്തിയത്. അതോടൊപ്പം തന്നെ എട്ട് വര്‍ഷം മുമ്പ് ഒരു ബന്ധുവും ആദ്യമായി പീഡിപ്പിച്ചിട്ടുണ്ടെന്നും പെണ്‍കുട്ടി പറയുന്നു. സ്‌കൂള്‍ പ്രധാനധ്യാപകന്റെ പരാതിയിലാണ് നടപടി.
