ബൈക്ക് യാത്രക്കാരന് കെഎസ്ആര്ടിസി ഡ്രൈവറുടെ മർദ്ദനം….മർദ്ദനത്തിനുള്ള കാരണം…
കോഴിക്കോട് ബൈക്ക് യാത്രക്കാരനെ കെഎസ്ആര്ടിസി ഡ്രൈവര് മർദ്ദിച്ചതായി പരാതി. മർദ്ദനത്തിൻ്റെ ദൃശ്യങ്ങളും പുറത്തുവന്നു. കോഴിക്കോട് കെഎസ്ആര്ടിസി ബസ് സ്റ്റാന്ഡിൽ ഇന്നലെ രാത്രിയോടെയാണ് സംഭവം. കെഎസ്ആര്ടിസി ബസ് സ്റ്റാൻ്റിന് മുന്നിൽ നിര്ത്തിയിട്ടിരുന്ന ബൈക്കിന് പിന്നിൽ ബസ് ഇടിച്ചത് ചോദ്യം ചെയ്തതിനാണ് മരദ്ദനമെന്നാണ് യുവാവിന്റെ പരാതി. കോഴിക്കോട് ജോലി ചെയ്യുന്ന എറണാകുളം പിറവം സ്വദേശി അശ്വിനാണ് മർദ്ദനമേറ്റത്. മർദ്ദനമേറ്റ യുവാവ് പൊലീസിൽ പരാതി നൽകി. ബസ് തട്ടി ബൈക്കിന്റെ പിൻഭാഗത്തെ ഇന്ഡിക്കേറ്റര് അടക്കം പൊട്ടിയിട്ടുണ്ട്. ബസ് സ്റ്റാന്ഡിന് മുന്നിൽ ബൈക്കില് ഇരിക്കുകയായിരുന്നുവെന്നും ഇതിനിടെ ബസ് വരുകയായിരുന്നുവെന്നുമാണ് അശ്വിൻ പറഞ്ഞത്.
