‘തെറ്റ് പറ്റി, ഇന്നലത്തെ സാഹചര്യത്തിൽ പറഞ്ഞുപോയതാണ്’.. പരാമർശത്തിൽ ഖേദിക്കുന്നുവെന്ന് എം എം മണി…
തദ്ദേശ തിരഞ്ഞെടുപ്പിന് പിന്നാലെ നടത്തിയ പരാമര്ശത്തില് ഖേദം പ്രകടിപ്പിച്ച് എം എം മണി. വോട്ടര്മാരെ അധിക്ഷേപിക്കുന്ന തരത്തില് നടത്തിയ പരാമര്ശത്തില് ഖേദിക്കുന്നതായി അദ്ദേഹം മാധ്യമപ്രവര്ത്തകരോട് പറഞ്ഞു.എംഎ ബേബി പറഞ്ഞ നിലപാടാണ് പാര്ട്ടിയുടെ നിലപാട്. അത് തന്നെയാണ് തന്റെയും നിലപാട്. ഇന്നലെ ഒരു സാഹചര്യത്തില് പറഞ്ഞുപോയതാണ്. സംസ്ഥാനത്ത് ഉള്പ്പെടെ ക്ഷേമ പ്രവര്ത്തനം നടത്തിയിട്ടും ഇങ്ങനെയൊരു ജനവിധി വന്നതില് പ്രതികരിച്ച് പോയതാണ്. അത്തരത്തില് പ്രതികരിക്കേണ്ട കാര്യമില്ലായിരുന്നുവെന്നും അദ്ദേഹം വിശദീകരിച്ചു.
പ്രതിപക്ഷ നേതാവ് വിഡി സതീശനെതിരെയും എംഎം മണി വിമര്ശനമുന്നയിച്ചു. വിഡി സതീശൻ നിലവാരം കുറഞ്ഞ പ്രതിപക്ഷ നേതാവാണെന്നായിരുന്നു എംഎം മണിയുടെ അഭിപ്രായം. മാധ്യമങ്ങളോട് സംസാരിക്കുകയായിരുന്നു എംഎം മണി. തദ്ദേശ തെരഞ്ഞെടുപ്പ് ഫലം പുറത്തുവന്നതിന് പിന്നാലെ വോട്ടര്മാരെ അധിക്ഷേപിച്ച് എംഎം മണി നടത്തിയ പരാമര്ശം വൻവിവാദമായിരുന്നു.
