വ്യാജരേഖയുണ്ടാക്കി പ്രായപൂർത്തിയാകാത്ത കുട്ടിയുടെ പേര് വോട്ടര് പട്ടികയിൽ ചേര്ത്തു.. എൽഡിഎഫ് സ്ഥാനാര്ത്ഥിക്കെതിരെ കേസ്….
വ്യാജരേഖയുണ്ടാക്കി വോട്ടര് പട്ടികയിൽ പേര് ചേര്ത്തെന്ന പരാതിയിൽ മലപ്പുറം പുളിക്കലിൽ എൽഡിഎഫ് സ്ഥാനാര്ത്ഥിക്കെതിരെ കേസ്. 16-ാം വാര്ഡ് സ്ഥാനാര്ത്ഥി കെ ഒ നൗഫൽ മൂന്നാം പ്രതിയാണ്. സിപിഎം പ്രവർത്തകന്റെ മകളുടെ വോട്ട് ചേർക്കാൻ കൃത്രിമം കാട്ടിയെന്നാണ് പൊലീസിൽ ലഭിച്ച പരാതി.
എസ്എസ്എൽസി ബുക്കിലെ ജനന തീയതിയിൽ കൃത്രിമം കാട്ടിയെന്നാണ് എഫ്ഐആറിൽ പറയുന്നത്. 19-02-2007 എന്ന ജനന തീയതി 19-02-2006 തിരുത്തിയാണ് വോട്ടർ പട്ടികയിൽ പേരുചേര്ത്തത്. തദ്ദേശ തിരഞ്ഞെടുപ്പിൽ വോട്ടർ പട്ടികയിൽ പേര് ചേർക്കാൻ 01-01-2025ന് 18 വയസ്സ് തികയണമായിരുന്നു. കേസിൽ പെൺകുട്ടി ഒന്നാം പ്രതിയും അച്ഛൻ രണ്ടാം പ്രതിയുമാണ്. സ്ഥാനാര്ത്ഥി കെ ഒ നൗഫൽ ആണ് മൂന്നാം പ്രതി.
