ഇൻസ്റ്റഗ്രാമിൽ നിന്ന് അപ്രത്യക്ഷനായി ജഡേജ..

ഐപിഎൽ താരം രവീന്ദ്ര ജഡേജ ഇൻസ്റ്റഗ്രാം അക്കൗണ്ട് ഡീആക്റ്റിവേറ്റ് ചെയ്തിരിക്കുകയാണ്. ചെന്നൈ സൂപ്പർ കിംഗ്‌സിൽ നിന്ന് രാജസ്ഥാൻ റോയൽസിലേക്ക് സഞ്ജു സാംസണെ ഉൾപ്പെടുത്തുന്ന ട്രേഡ് ചർച്ചകൾ ചൂട് പിടിക്കുന്നതിനിടെയാണ് അക്കൗണ്ട് ഡീആക്റ്റിവേറ്റ് ചെയ്തത്.

ട്രേഡ് വാർത്തകൾ വ്യാപകമായി പ്രചരിച്ചിട്ടും, ഫ്രാഞ്ചൈസികൾ അല്ലെങ്കിൽ താരങ്ങൾ ഔദ്യോഗിക പ്രഖ്യാപനം ചെയ്യാത്തതും ആരാധകരിൽ ആശങ്ക സൃഷ്ടിച്ചു. നവംബർ 15ന് താരങ്ങളുടെ അന്തിമ ലിസ്റ്റ് സമർപ്പിക്കേണ്ട സമയമാണെന്ന് അറിയിച്ചിട്ടുണ്ട്. ഇതിന് മദ്ധ്യേ, ജഡേജ ഇൻസ്റ്റഗ്രാമിൽ നിന്ന് അപ്രത്യക്ഷമായിരിക്കുകയാണ്.

ഇഎസ്പിഎൻ ക്രിക്ക് ഇൻഫോ റിപ്പോർട്ട് പ്രകാരം, സഞ്ജുവിനെ റോയൽസിലേക്ക് വിട്ടുകിട്ടുന്നതിന് ജഡേജയ്ക്ക് പുറമെ സാം കറനെ ചെന്നൈ വിട്ടുകൊടുക്കുന്ന കാര്യമാണ് സംഘങ്ങൾക്ക് ധാരണയായത്. കരാർ ഔദ്യോഗികമായി സ്ഥിരീകരിക്കുന്നതിനായി ആരാധകർ കാത്തിരിക്കുകയാണ്. കരാർ നടപ്പിലായാൽ, 16 വർഷത്തിന് ശേഷം ജഡേജ റോയൽസിനൊപ്പം വീണ്ടും കളിക്കും. 2008, 2009 സീസണുകളിൽ ജഡേജ റോയൽസിന്റെ ഭാഗമായിരുന്നു.അന്താരാഷ്ട്ര ടി20യിൽ നിന്ന് ജഡേജ അടുത്തിടെ വിരമിച്ചരുന്നു.