പുരുഷൻമാർ മാത്രം ചുമതല വഹിച്ചിരുന്ന കൈക്കാരന്മാരുടെ ഇടയിലേക്ക് ഇനി വനിതയും…

ആലപ്പുഴ: പൂങ്കാവ് ഔവർ ലേഡി ഓഫ് അസെംപ്ഷൻ പള്ളിയിൽ മൂന്നുകൈക്കാരരിൽ ഒന്ന് വനിതയാണ്. പുരുഷൻമാർ മാത്രം ചുമതല വഹിച്ചിരുന്ന കൈക്കാരന്മാരുടെ ഇടയിലേക്ക് വനിതയെ തെരഞ്ഞെടുത്ത് വിപ്ലവകരമായ മാറ്റത്തിനു തുടക്കമിട്ട് പൂങ്കാവ് ഇടവക.

പള്ളിയിൽ നടന്ന ചടങ്ങിൽ മറ്റു രണ്ട് പുരുഷന്മാർക്കൊപ്പം പൂങ്കാവ് വടക്കൻ പറമ്പ് വീട്ടിൽ സുജാ അനിൽ (39) സത്യപ്രതിജ്ഞചെയ്ത് ചുമതലയേറ്റു. കെഎൽസി ഇടവക സെക്രട്ടറിയും മാരാരിക്കുളം തെക്ക് പഞ്ചായത്ത് 11-ാം വാർഡിലെ മുൻ ജനപ്രതിനിധിയുമാണ് സുജാ അനിൽ. പള്ളിക്കത്തയ്യിൽ എൻ ഡി സെബാസ്റ്റ്യൻ, പള്ളിപ്പറമ്പിൽ മനോജ് എന്നിവരാണ് മറ്റു കൈക്കാരന്മാർ.