ഓസ്ട്രേലിയക്കെതിരെ ഇന്ത്യക്ക് രണ്ട് വിക്കറ്റ് നഷ്ടം…
ഓസ്ട്രേലിയക്കെതിരെ നാലാം ടെസ്റ്റില് 340 റണ്സ് വിജയലക്ഷ്യം പിന്തുടരുന്ന ഇന്ത്യക്ക് രണ്ട് വിക്കറ്റ് നഷ്ടം. ക്യാപ്റ്റന് രോഹിത് ശര്മ (9), കെ എല് രാഹുല് (0) എന്നിവരുടെ വിക്കറ്റുകളാണ് ഇന്ത്യക്ക് നഷ്ടമായത്. ഓസീസ് ക്യാപ്റ്റന് പാറ്റ് കമ്മിന്സാണ് രണ്ട് വിക്കറ്റുകളും നേടിയത്. മെല്ബണില് നിന്ന് ഒടുവില് വിവരം ലഭിക്കുമ്പോള് രണ്ട് വിക്കറ്റ് നഷ്ടത്തില് 27 റണ്സെടുത്തിട്ടുണ്ട് ഇന്ത്യ. യശസ്വി ജയ്സ്വാള് (13), വിരാട് കോലി (1) എന്നിവരാണ് ക്രീസില്. ഒമ്പതിന് 228 എന്ന നിലയില് അവസാന ദിനം ബാറ്റിംഗിനെത്തിയ ഓസീസ് 234ന് എല്ലാവരും പുറത്തായി. നതാന് ലിയോണിന്റെ (41) വിക്കറ്റാണ് ഓസീസിന് ഇന്ന് നഷ്ടമായത്. ജസ്പ്രിത് ബുമ്രയുടെ പന്തില് പന്തില് ബൗള്ഡാവുകയായിരുന്നു താരം. സ്കോട്ട് ബോളണ്ട് (15) പുറത്താവാതെ നിന്നു. ഇതോടെ ബുമ്ര അഞ്ച് വിക്കറ്റ് നേട്ടം പൂര്ത്തിയാക്കി. മുഹമ്മദ് സിറാജിന് മൂന്ന് വിക്കറ്റുണ്ട്.
