ഇടുക്കിയിൽ തോട്ടം തൊഴിലാളിയായ യുവതി കൊല്ലപ്പെട്ട നിലയിൽ.. വാരിയെല്ല് തകർന്ന നിലയിൽ…

ഇടുക്കി സേനാപതി വെങ്കലപ്പാറയിൽ തോട്ടം തൊഴിലാളിയായ യുവതിയെ കൊലപ്പെടുത്തിയ നിലയിൽ കണ്ടെത്തി.സംഭവവുമായി ബന്ധപ്പെട്ട് ഒരാളെ കസ്റ്റഡിയിലെടുത്തു.മധ്യപ്രദേശ് സ്വദേശിനി വാസന്തി(41)യാണ് മരിച്ചത്. ഇവരുടെ ഒപ്പം താമസിച്ചിരുന്ന ലമൂർ സിം​ഗ് ദുർവേ എന്നയാളെയാണ്പൊലീസ് കസ്റ്റ‍ഡിയിലെടുത്തത്.

മർദനമേറ്റാണ് യുവതി മരിച്ചതെന്ന് പോസ്റ്റ്മോർട്ടം റിപ്പോർട്ടിൽ പറയുന്നു. മധ്യപ്രദേശ് സ്വദേശിയാണ് ലമൂർ സിം​ഗ് ദുർവേ. ഇയാളെ  ഉടുമ്പൻചോല പോലീസ് ചോദ്യം ചെയ്തുകൊണ്ടിരിക്കുകയാണ്. സേനാപതി വെങ്കലപാറ എസ്റ്റേറ്റിലെ തൊഴിലാളികളാണ് ഇരുവരും. കഴിഞ്ഞ ദിവസം ഇരുവരും മദ്യപിച്ച് വഴക്കു കൂടി എന്ന് പൊലീസ് പറഞ്ഞു. ഇതേ തുടർന്നുള്ള മർദനത്തിൽ യുവതിയുടെ വാരിയെല്ല് തകർന്നെന്നാണ് പോസ്റ്റ്മോർട്ടം റിപ്പോർട്ടിലെ കണ്ടെത്തൽ.