പ്രതിയിൽ നിന്നും 40000 രൂപ കൈക്കൂലി വാങ്ങി..എസ്ഐയെ കയ്യോടെ പൊക്കി വിജിലൻസ്…

പ്രതിയിൽ നിന്ന് കൈക്കൂലി വാങ്ങുന്നതിനിടെ എസ്ഐ വിജിലൻസ് പിടിയിൽ. സുൽത്താൻ ബത്തേരി എസ്ഐ സി.എം.സാബുവാണ് പിടിയിലായത്.കസ്റ്റഡിയിലുള്ള എസ് ഐയെ ഇന്ന് കോടതിയിൽ ഹാജരാക്കും.എസ് ഐ സാബു സി എമ്മിനെതിരെ വിജിലൻസിന് നേരത്തെ തന്നെ പരാതി കിട്ടിയിരുന്നു. പരാതിയുടെ അടിസ്ഥാനത്തിൽ വിജിലൻസ് നടത്തിയ പരിശോധനയിലാണ് ഇന്നലെ സാബുവിന് കയ്യോടെ പിടിവീണത്. 40,000 രൂപയാണ് ഇയാളിൽ നിന്ന് പിടിച്ചെടുത്തത്.

തന്‍റെ സ്റ്റേഷൻ പരിധിയിലെ ഒരു കേസിലെ പ്രതിയിൽ നിന്ന് ഭീഷണിപ്പെടുത്തി പണം വാങ്ങാൻ ശ്രമിക്കുന്നതിനിടെയാണ് എസ് ഐ പിടിയിലായത്. കേസിലെ പ്രതി തന്നെയാണ് വിജിലൻസിന് പരാതി നൽകിയത്.ഒരു ലക്ഷം രൂപയാണ് എസ്ഐ ആവശ്യപ്പെട്ടതെന്നാണ് വിവരം.