ജനകീയ സമരങ്ങളെ അടിച്ചുമർത്തുന്ന പോലീസ് നയം അപമാനകരം: വി.ഡി. സതീശൻ.

ജനകീയ സമരങ്ങളെ അടിച്ചുമർത്തുന്ന പോലീസ് നയം കേരളത്തിന് അപമാനകരമാണെന്ന് പ്രതിപക്ഷ നേതാവ് വി.ഡി. സതീശൻ. കായംകുളത്ത്
എലി വേറ്റഡ് ഹൈവേ ആവശ്യമുന്നയിച്ച് നിരാഹാര സമരം നടത്തിയ യൂത്ത് കോൺഗ്രസ് നേതാക്കളെ സമരപ്പന്തലിൽ കയറി ക്രൂരമായി മർദ്ദിക്കുകയും നേതാക്കളുടെ വീട്ടിൽ അർദ്ധരാത്രി കടന്നുകയറി മാതാപിതാക്കളെയും യൂത്ത് കോൺഗ്രസ് നേതാക്കളുടെ ഭാര്യമാരെയും ഭീഷണിപ്പെടുത്തുകയും ആക്രമിക്കുവാൻ ശ്രമിക്കുകയും ചെയ്ത പോലീസ് നടപടി കാടത്തമാണെന്ന് അദ്ദേഹം പറഞ്ഞു.. ജയിലിലടയ്ക്കപ്പെട്ട യൂത്ത് കോൺഗ്രസ് നേതാക്കളുടെയും കേസിൽ പ്രതിയാക്കപ്പെട്ട നേതാക്കളുടെയും വീട് അദ്ദേഹം സന്ദർശിച്ചു. കിരാതമായ അക്രമമാണ് അർദ്ധരാത്രിയിൽ പോലീസ് നടത്തിയതെന്ന് അദ്ദേഹം പറഞ്ഞു രാജാവിനെക്കാൾ വലിയ രാജഭക്തിയാണ് സിപിഎമ്മിന് വേണ്ടി പോലീസ് കാട്ടുന്നത്. ഇത് വലിയ ദുരന്തത്തിലേയവസാനിക്കുകയെന്ന് അദ്ദേഹം കൂട്ടിച്ചേർത്തു.