വയനാട് ഉരുൾപൊട്ടൽ.. അനുശോചനം അറിയിച്ച് സൗദി അറേബ്യ …
റിയാദ്: വയനാട് ജില്ലയിലെ മുണ്ടക്കൈയിലുണ്ടായ ഉരുൾപൊട്ടൽ ദുരന്തത്തിൽ സൗദി അറേബ്യ അനുശോചനം അറിയിച്ചു. ദുരന്തത്തിൽ മരിച്ചവരുടെ കുടുംബങ്ങൾക്കും ഇന്ത്യൻ സർക്കാറിനും ജനങ്ങൾക്കും ഇന്ത്യയിലെ സൗദി എംബസി വഴിയാണ് അനുശോചനം അറിയിച്ചത്. എക്സിലൂടെയാണ് അനുശോചനം അറിയിച്ചത്.
എല്ലാം നഷ്ടപ്പെട്ട ജനങ്ങൾക്ക് ഒപ്പമാണ് തങ്ങളെന്ന് ഇന്ത്യയിലെ സൗദി എംബസി എക്സിൽ പോസ്റ്റ് ചെയ്ത അനുശോചന കുറിപ്പിൽ പറഞ്ഞു. ദാരുണമായ സംഭവത്തിൽ ആത്മാർത്ഥമായ അനുശോചനം രേഖപ്പെടുതുന്നതായും സന്ദേശത്തിൽ വ്യക്തമാക്കുന്നു.
