മമത ബാനർജി പങ്കെടുത്ത പരുപാടിയിൽ ഗേറ്റ് തകർന്ന് അപകടം..രണ്ട് പേർക്ക് പരുക്ക്..ഗുരുതരം…

പശ്ചിമ ബംഗാൾ മുഖ്യമന്ത്രി മമത ബാനർജി പങ്കെടുത്ത സാംസ്കാരിക പരിപാടിക്കിടെ താൽക്കാലിക ഗേറ്റ് തകർന്ന് രണ്ട് പേർക്ക് പരിക്കേറ്റു. പരിക്കേറ്റവരെ ആശുപത്രിയിൽ പ്രവേശിപ്പിച്ചു. ഇതിഹാസ നടൻ ഉത്തംകുമാറിൻ്റെ 44-ാം ചരമവാർഷികത്തോടനുബന്ധിച്ച് ഇൻഫർമേഷൻ ആൻഡ് കൾച്ചറൽ അഫയേഴ്സ് വകുപ്പ് ധനധാന്യ ഓഡിറ്റോറിയത്തിൽ വെച്ച് നടത്തിയ പരിപാടിക്കിടെയാണ് അപകടം സംഭവിച്ചത്.

അപകടത്തിന്റെ വീഡിയോ ദൃശ്യങ്ങൾ പുറത്തുവന്നിട്ടുണ്ട്. പരിക്കേറ്റവരുടെ നില അതീവഗുരുതരമാണെന്ന് മുതിർന്ന പൊലീസ് ഉദ്യോഗസ്ഥൻ പറഞ്ഞു. ഇത് സുരക്ഷാ വീഴ്ചയാണോ എന്ന് പരിശോധിക്കുമെന്നുംഅദ്ദേഹം പറഞ്ഞു.