ആലപ്പുഴയിൽ വീണ്ടും കെഎസ്ആർടിസി ബസ് കുഴിയിൽ വീണു…
തുറവൂർ അരൂർ ദേശീയ പാതയിൽ വീണ്ടും കെഎസ്ആർടിസി ബസ് കുഴിയിൽ വീണു. അരുർ പെട്രോൽ പമ്പിന് സമീപത്താണ് ബസ് കുഴിയിലേക്ക് വിണ് ചരിഞ്ഞത്. യാത്രക്കാരെ ഉടൻ തന്നെ ബസിൽ നിന്ന് ഇറക്കിയത് മൂലം അപകടം ഒഴിവായി.ആകാശ നിർമ്മാണ മേഖലയിൽ റോഡിൻ്റെ പടിഞ്ഞാറ് വശമാണ് ബസ് കുഴിയിൽ വീണത്.മഴ മൂലം ടൈൽ വിരിക്കലും റോഡ് പണിയും ഈ ഭാഗത്ത് തടസപ്പെട്ടിരിക്കുകയാണ്.
തിരുവനന്തപുരത്ത് നിന്ന് കോഴിക്കോടേക്ക് പോവുകയായിരുന്ന ബസാണ് അപകടത്തിൽ പെട്ടത്. പുറകേ വന്ന യാത്രക്കാർ അതിലെപോകരുതെന്ന് പറഞ്ഞിട്ടും ധിക്കാരത്തോടെയാണ് ഡ്രൈവർ ഓടിച്ചതെന്നും ഓവർ ടേക്കുമാണ് അപകടത്തിന് കാരണമെന്ന് പറയപ്പെടുന്നു. ഇതിന് മുൻപും ഇവിടെ ബസ് കുഴിയിൽ വിണിട്ടുണ്ട്.
