ഗൗതം ഗംഭീര് ഇന്ത്യന് പരീശീലകന്..ഔദ്യോഗികമായി പ്രഖ്യാപിച്ച് ജയ് ഷാ…
ഗൗതം ഗംഭീറിനെ ഇന്ത്യന് ക്രിക്കറ്റ് കോച്ചായി നിയമിച്ചു. ട്വന്റി20 ലോകകപ്പിനു പിന്നാലെ രാഹുൽ ദ്രാവിഡ് രാജി വച്ച ഒഴിവിലേക്കാണു നിയമനം.ബിസിസിഐ സെക്രട്ടറി ജയ് ഷായാണ് ഇക്കാര്യം ഔദ്യോഗികമായി പ്രഖ്യാപിച്ചത്. ഇന്ത്യന് ക്രിക്കറ്റിനെ മുന്നോട്ടുനയിക്കാന് ഏറ്റവും യോഗ്യന് ഗംഭീറാണെന്ന് ജയ് ഷാ പറഞ്ഞു. പുതിയ യാത്രയിൽ ഗംഭീറിനു പൂര്ണ പിന്തുണയേകാൻ ബിസിസിഐ കൂടെയുണ്ടാകുമെന്നും ജയ് ഷാ എക്സിൽ കുറിച്ചു.
2027 ഡിസംബര് 31 വരെയാണ് നിയമനം. കഴിഞ്ഞവർഷം നടന്ന ഏകദിന ക്രിക്കറ്റ് ലോകകപ്പുവരെയായിരുന്നു ദ്രാവിഡിന്റെ കാലാവധിയെങ്കിലും ക്രിക്കറ്റ് ബോർഡിന്റെ അഭ്യർഥനമാനിച്ച് ടി-20 ലോകകപ്പുവരെ ഇന്ത്യൻ മുൻ ക്യാപ്റ്റൻ തുടരുകയായിരുന്നു.