ഇന്സ്റ്റഗ്രാമിൽ അശ്ലീല സന്ദേശം അയച്ച വിവരം യുവാവിന്റെ വീട്ടില്ച്ചെന്ന് പറഞ്ഞു..വിദ്യാർത്ഥിയെ ആക്രമിച്ച് യുവാവ്..പരുക്ക്…
സമൂഹമാധ്യമത്തിലൂടെ അശ്ലീല സന്ദേശം അയച്ച വിവരം വീട്ടില് പറഞ്ഞതിന് വിദ്യാര്ത്ഥിയെ യുവാവ് ആക്രമിച്ചതായി പരാതി.കോഴിക്കോട് പുത്തൂര് സ്വദേശി മിര്ഷാദിനെതിരെയാണ് പെൺകുട്ടി പരാതി നൽകിയത്.ആക്രമണത്തിൽ വിദ്യാര്ത്ഥിയുടെ കണ്ണിന് പരുക്കേറ്റിട്ടുണ്ട്.സംഭവത്തിൽ മിര്ഷാദിനെതിരെ കൊടുവള്ളി പൊലീസ് ജാമ്യമില്ലാ വകുപ്പുകള് പ്രകാരം കേസെടുത്തു.
ഈ മാസം 22നാണ് കേസിന് ആസ്പദമായ സംഭവം നടന്നത്. പ്രതി പരാതിക്കാരിയുടെ ഇന്സ്റ്റഗ്രാം അക്കൗണ്ടിലേക്ക് ഒരു അശ്ലീല സന്ദേശം അയയ്ക്കുകയും വിദ്യാര്ത്ഥിനി അത് പ്രതിയുടെ വീട്ടുകാരോട് പറയുകയും ചെയ്തു.ഇതിന് പ്രതികാരമായാണ് പൊയില്ക്കടവ് ഗ്രൗണ്ടിന് സമീപത്തുവച്ച് പ്രതി പെണ്കുട്ടിയെ വഴിയില് തടഞ്ഞുനിര്ത്തി ആക്രമിച്ചത്. ഇയാള് യുവതിയെ അശ്ലീലം പറയുകയും പെണ്കുട്ടിയുടെ കണ്ണില് കുത്തുകയുമായിരുന്നു.തുടർന്നാണ് പെൺകുട്ടി പോലീസിൽ പരാതി നൽകിയത്.പ്രതി ഇപ്പോഴും ഒളിവിലാണ്.