വ്യാജ രേഖകൾ ഉപയോഗിച്ചു പാസ് പോർട്ട് എടുത്ത സംഭവം..ട്രാവൽ ഏജൻസി നടത്തിയിരുന്നയാൾ പിടിയിൽ…
ക്രിമിനൽ കേസുകളിൽ ഉൾപ്പെടെയുള്ളവർക്ക് പാസ്പോർട്ട് എടുത്തു നൽകിയ സംഘത്തിലെയാൾ പിടിയിൽ.മൺവിള രേവതിയിൽ മനോജ് (46)ആണ് അറസ്റ്റിലായത്. വ്യാജ പാസ്പോർട്ട് ആക്ടിന് പുറമെ വ്യാജരേഖ ചമച്ചതിനും വഞ്ചനക്കുമുള്ള വകുപ്പുകളും ഇവർക്കെതിരെ ചുമത്തിയിരിക്കുന്നത്.ഇവരുടെ കൂടെ ഒരു സിവിൽ പോലീസ് ഓഫീസർ കൂടെ ഉൾപ്പെട്ടിട്ടുണ്ട് .കാട്ടാക്കട കൃപാഭവനിൽ കമലേഷ് ആണ് പാസ്പോർട്ട് എടുക്കാനുള്ള പേരുകൾ ഉൾപ്പെടുത്തി വ്യാജ അഡ്രസിൽ വ്യാജരേഖകൾ തയ്യാറാക്കി നൽകുന്നത് . ഇവ ഉപയോഗിച്ച് ട്രാവൽ ഏജൻസി നടത്തുന്ന മനോജാണ് അപേക്ഷ സമർപ്പിച്ച് വ്യാജ പാസ്പോർട്ട് തയ്യാറാക്കി നൽകുന്നത്.ഇതിനിടയിൽ കേസിൽ ഉൾപ്പെട്ട സിവിൽ പോലീസ് ഓഫീസറായ അൻസിൽ അസീസ്‌ വ്യാജ പാസ്പോർട്ട് ഉപയോഗിച്ച് വിദേശത്തേക്ക്‌ കടന്നു എന്നാണ് പോലീസ് പറയുന്നത്
