ടിപി വധകേസ് പ്രതികൾക്ക് ശിക്ഷായിളവ് നൽകാനുള്ള നീക്കം..വിശദീകരണം നൽകി ജയിൽ സൂപ്രണ്ട്…
ടി പി ചന്ദ്രശേഖരൻ വധ കേസ് പ്രതികൾ ശിക്ഷായിളവ് നൽകാനുള്ള നീക്കം വിവാദമായതിന് പിന്നാലെ വിശദീകരണവുമായി ജയിൽ സൂപ്രണ്ട്.ജയിൽ ഡിജിപിക്കാണ് കണ്ണൂർ ജയിൽ സൂപ്രണ്ട് വിശദീകരണം നൽകിയിരിക്കുന്നത്.സർക്കാരിന്റെ ഉത്തരവിന്റെ അടിസ്ഥാനത്തിലാണ് പട്ടിക തയാറാക്കിയതെന്ന് ജയിൽ സൂപ്രണ്ട് വ്യക്തമാക്കി.മൂന്ന് പേർക്ക് ശിക്ഷാ ഇളവ് നൽകി വിട്ടയക്കാനായിരുന്നു സർക്കാർ നീക്കം. ടികെ രജീഷ്,മുഹമ്മദ് ഷാഫി, അണ്ണൻ സിജിത്ത് എന്നിവരാണ് പട്ടികയിലുള്ളത്.
ഹൈക്കോടതി വിധി മറികടന്നാണ് ടിപി കേസ് പ്രതികൾക്ക് ശിക്ഷായിളവ് നൽകാനുള്ള നീക്കം. ശിക്ഷാ ഇളവില്ലാത്ത ജീവപര്യന്തം തടവിന് ഹൈക്കോടതി പ്രതികളെ ശിക്ഷിച്ചിരുന്നു. 20 വർഷം വരെ ശിക്ഷാ ഇളവ് പാടില്ലെന്നായിരുന്നു ഹൈക്കൊടതി ഉത്തരവ്.
