പ്രവൃത്തി ദിനം വർധിപ്പിച്ചു..അധ്യാപകർ നാളെ കൂട്ട അവധിയെടുത്ത് പ്രതിഷേധിക്കും….

സ്‌കൂൾ പ്രവൃത്തി ദിനം വർധിപ്പിച്ച സംഭവത്തിൽ അധ്യാപകർ കൂട്ട അവധിയെടുത്ത് പ്രതിഷേധിക്കും. വിദ്യാഭ്യാസമന്ത്രി വി ശിവൻകുട്ടി വിളിച്ചു ചേർത്ത യോ​ഗത്തിൽ സമവായമാകാഞ്ഞതിനെ തുടർന്നാണ് തീരുമാനം. പ്രതിഷേധത്തിന്റെ തുടക്കമായി സംയുക്തസമര സമിതിയിലെ അധ്യാപകർ നാളെ (15/06/2024) കൂട്ട അവധി എടുക്കും.

പ്രവൃത്തി ദിനം വർധിപ്പിക്കാനുള്ള തീരുമാനത്തിൽ മാറ്റമില്ല എന്നാണ് ഇന്ന് അധ്യാപക സംഘടനകളുമായി നടന്ന ചർച്ചയിൽ മന്ത്രി വ്യക്തമാക്കിയത്.ഇതിന് പിന്നാലെയാണ് അധ്യാപകർ പ്രതിഷേധത്തിനൊരുങ്ങുന്നത്. മന്ത്രി വിളിച്ച ചർച്ച പ്രഹസമാണെന്നായിരുന്നു കേരള പ്രദേശ് സ്‌കൂൾ ടീച്ചേഴ്‌സ് അസോസിയേഷന്റെ പ്രതികരണം.