ജോസ് കെ മാണിക്കെതിരെ പാലായിൽ പോസ്റ്റർ..പിന്നിൽ ബിനു പുളിക്കകണ്ടമെന്ന് കേരള കോൺഗ്രസ് എം…
ജോസ് കെ. മാണിക്കെതിരെ പാലായില്‍ ഫ്ലക്സുകള്‍. തിരഞ്ഞെടുപ്പ് രാഷ്ട്രീയത്തെ ഭയക്കുന്ന ജോസ് കെ.മാണി പാലായ്ക്ക് അപമാനമാണെന്നാണ് ഫ്ളക്സുകളിൽ കുറിച്ചിരിക്കുന്നത്.നഗരസഭാ കൗൺസിലർ ബിനു പുളിക്കക്കണ്ടത്തിന് അഭിവാദ്യം അർപ്പിച്ചും നഗരത്തിൽ ഫ്ലക്സ് ബോർഡുകൾ പ്രത്യക്ഷപ്പെട്ടിട്ടുണ്ട്.പാലാ പൗരാവലിയുടെ പേരിലാണ് ഫ്ലക്സ്. കൊട്ടാരമറ്റം, ജനറൽ ആശുപത്രി ജംക്‌ഷൻ എന്നിവിടങ്ങളിൽ ഉൾപ്പെടെ ടൗണിന്റെ വിവിധ ഭാഗങ്ങളിൽ ഫ്ലക്സ് ബോർഡുകൾ വച്ചിട്ടുണ്ട്.
ഫ്ലക്സുകള്‍ക്ക് പിന്നില്‍ ബിനു പുളിക്കക്കണ്ടമാണെന്നാണ് കേരള കോണ്‍ഗ്രസ് എം ആരോപിക്കുന്നത്.ജോസ് കെ.മാണിക്കെതിരെ പരസ്യ പ്രസ്താവന നടത്തിയതിന്റെ പേരിൽ സിപിഎം കൗൺസിലറായ ബിനുവിനെ ഇന്നലെ സിപിഎമ്മിൽ നിന്നും പുറത്താക്കിയിരുന്നു.
