തൃശ്ശൂരിലെ തോല്‍വിയില്‍ അതൃപ്തി..തൃശൂർ മേയറെ വിളിച്ചുവരുത്തി സിപിഐഎം…
തൃശ്ശൂരിലെ ലോക്സഭ തിരഞ്ഞെടുപ്പ് തോല്‍വി പാർട്ടിയിൽ ചർച്ചയായതിന് പിന്നാലെ മേയര്‍ എം കെ വര്‍ഗീസിനെ സിപിഐഎം പാര്‍ട്ടി ഓഫിസില്‍ വിളിച്ചുവരുത്തി.സുരേഷ് ഗോപിയുമായുള്ള ബന്ധത്തിൽ മേയറെ സിപിഐഎം മേയറെ താക്കീത് ചെയ്തു.തൃശ്ശൂരിലെ തോല്‍വിയില്‍ സിപിഐയുടെ അതൃപ്തിക്ക് പിന്നാലെയാണ് പാര്‍ട്ടി നടപടി. തിരഞ്ഞെടുപ്പ് സമയത്ത് സുരേഷ് ഗോപിയെ അനുകൂലിച്ച് മേയര്‍ പ്രസ്താവന നടത്തിയ സംഭവത്തിലാണ് സിപിഐ അതൃപ്തി അറിയിച്ചത്.
അതേസമയം സുരേഷ് ഗോപിയോട് തനിക്ക് പ്രത്യേക താല്പര്യം ഇല്ലെന്നും എംപി എന്ന ബന്ധം മാത്രമേ അദേഹവുമായുള്ളൂവെന്നും മേയർ പ്രതികരിച്ചു. തൃശൂരിൽ വികസനം കൊണ്ടുവരാനുള്ള ശ്രമമാണ് താൻ നടത്തുന്നത്.കേന്ദ്രസർക്കാരിൻറെ സഹായത്തോടെ മാത്രമേ വലിയ പദ്ധതികൾ നടപ്പാക്കാൻ കഴിയൂ.അതിൻറെ ഭാഗമായി എവിടെയെങ്കിലും വച്ച് സംസാരിച്ചാൽ അതിൽ രാഷ്ട്രീയമില്ലെന്നും അതിനെ
രാഷ്ട്രീയ വത്കരിക്കരുതെന്നും മേയർ എം കെ വർഗീസ് വ്യക്തമാക്കി.എന്നാൽ മേയറുടെ വിശദീകരണത്തിൽ സിപിഐ തൃപ്തരല്ലന്നാണ് റിപ്പോർട്ട് . 17, 18 തീയതികളിൽ ചേരുന്ന സിപിഐ ജില്ലാ നേതൃയോഗങ്ങൾ മേയർക്കെതിരായ നിലപാട് ചർച്ച ചെയ്യും.
