അവയവദാനത്തിന് നിര്‍ബന്ധിച്ചു..ഭര്‍ത്താവിനെതിരെ പരാതിയുമായി ആദിവാസി യുവതി…
അവയവദാനത്തിന് നിര്‍ബന്ധിച്ച് ഭീഷണിപ്പെടുത്തുന്നതായി യുവതിയുടെ പരാതി.ഇടനിലക്കാരനും ഭര്‍ത്താവും ചേര്‍ന്ന് അവയവദാനത്തിന് നിര്‍ബന്ധിച്ചുവെന്നാണ് യുവതി വെളിപ്പെടുത്തിയിരിക്കുന്നത്.സംഭവവുമായി ബന്ധപ്പെട്ട് കണ്ണൂര്‍ നെടുംപൊയില്‍ സ്വദേശിനിയായ യുവതി ഡിഐജിക്ക് പരാതി നല്‍കിയിട്ടുണ്ട്.
വൃക്ക ദാനം ചെയ്യാന്‍ 9 ലക്ഷം രൂപ വാഗ്ദാനം നല്‍കിയെന്നാണ് യുവതിയുടെ വെളിപ്പെടുത്തല്‍.ഇതിനായി തന്നെ എറണാകുളത്തെ സ്വകാര്യ ആശുപത്രിയിലേക്ക് വിളിച്ചുവരുത്തിയെന്നും പിന്മാറിയ തന്നെ ഇടനിലക്കാര്‍ ഭീഷണിപ്പെടുത്തിയെന്നും യുവതി പറഞ്ഞു.
