സ്കൂളിന്റെ ഓടയിൽ 4 വയസ്സുകാരന്റെ മൃതദേഹം..സ്‌കൂളിന് തീയിട്ടു…
സ്കൂളിന്റെ ഓടയിൽ 4 വയസ്സുള്ള കുട്ടിയുടെ മൃതദേഹം കണ്ടെത്തി.രോഷാകുലരായ നാട്ടുകാർ സ്‌കൂളിന് തീയിട്ടു.സ്കൂളിൽ കടന്നുകയറി സാധനസാമഗ്രികൾ തല്ലിത്തകർത്തശേഷം തീയിടുകയായിരുന്നു.ബിഹാറിലെ ദിഘ നഗരത്തിലെ സ്കൂളിലാണ് സംഭവം.കഴിഞ്ഞ ദിവസം ആയുഷ് കുമാർ എന്ന നാല് വയസുകാരൻ ടൈനി ടോട്ട് അക്കാദമി എന്ന സ്കൂളിൽ പോയിട്ട് തിരിച്ചെത്തിയിരുന്നില്ല.തുടർന്ന് നടത്തിയ അന്വേഷണത്തിലാണ് കുട്ടിയെ മരിച്ച നിലയിൽ കണ്ടെത്തിയത്.
സ്കൂളിലെ ക്ലാസ് കഴിയുമ്പോൾ കുട്ടി ഉച്ചയ്ക്കുശേഷം അവിടെത്തന്നെ ട്യൂഷനു പോകാറുണ്ടെന്നു പിതാവ് ശൈലേന്ദ് റായ് പറഞ്ഞു. എന്നാൽ വൈകിട്ടു വരെ വീട്ടിലെത്തിയില്ല. കുട്ടിയുടെ അമ്മ അന്വേഷിക്കാനായി സ്കൂളിലെത്തിയെങ്കിലും കണ്ടെത്തിയില്ല .സ്കൂൾ അധികൃതരോടും ക്ലാസിലെ മറ്റു കുട്ടികളോടും വിവരം തേടിയിട്ടും ഫലമുണ്ടായില്ല. സ്കൂളിനു പുറത്തും പുറത്തും തിരച്ചിൽ നടത്തി. പിന്നീട് ഓടയിൽ തിരഞ്ഞപ്പോഴാണ് കുട്ടിയുടെ മൃതദേഹം കണ്ടെത്തിയത്. പൊലീസ് അന്വേഷണം ആരംഭിച്ചു.
