കണ്ണൂരിന്റെ ‘രണ്ടുരൂപ’ ഡോക്ടര് സേവനം നിര്ത്തി..കാരണം ഇതാണ്…
ആതുരസേവനം കച്ചവടമാകുന്ന കാലത്ത് സൗജന്യനിരക്കില് കണ്ണൂരിലെ ജനങ്ങളുടെ ആരോഗ്യം കാത്ത ജനപ്രിയ ഡോക്ടര് രൈരു ഗോപാല് പരിശോധന നിര്ത്തി. അമ്പത് വര്ഷത്തിലേറെ രോഗികള്ക്കൊപ്പം ജീവിച്ച ഡോക്ടര് ആരോഗ്യ പ്രശ്നങ്ങളെ തുടർന്നാണ് ഒപി നിര്ത്തുന്നത്.’എന്റെ ജോലി ചെയ്യാനുള്ള ആരോഗ്യം ഇന്നെനിക്കില്ല’. അതുകൊണ്ട് രോഗികളെ പരിശോധിക്കുന്നതും മരുന്ന് കൊടുക്കുന്നതും നിര്ത്തുകയാണെന്ന ബോര്ഡ് ഗേറ്റില് തൂക്കിയാണ് ഡോക്ടർ ജോലിയില്നിന്ന് വിരമിച്ചത്.
. രണ്ടുരൂപ ഡോക്ടര് എന്ന പേരിലാണ് രൈരു ഗോപാല് അറിയപ്പെട്ടിരുന്നത്. മരുന്നും പരിശോധനയും അടക്കം നാല്പ്പതോ അമ്പതോ രൂപമാത്രമാണ് രോഗികളില്നിന്നും വാങ്ങുക. പരിശോധനക്കായി ഒരു വീട്ടിലെത്തിയപ്പോള് കണ്ട ദയനീയാവസ്ഥയാണ് രൈരു ഡോക്ടറെ സേവനത്തിന്റെ വഴിയിലെത്തിച്ചത്. അമ്പതിലേറെ വര്ഷം കണ്ണൂരുകാരുടെ ആരോഗ്യം കാത്ത ശേഷമാണ് ജനകീയ ഡോക്ടര് പരിശോധന നിര്ത്തുന്നത്.
