വി മുരളീധരന്റെ പ്രചാരണ ജാഥയിലേക്ക് കടന്നുകയറി മൂന്നംഗ സംഘം..ഭീഷണി…
ആറ്റിങ്ങൽ മണ്ഡലത്തിൽ ബിജെപി സ്ഥാനാര്‍ത്ഥി വി മുരളീധരന്റെ പ്രചാരണ ജാഥയിലേക്ക് മൂന്നംഗ സംഘം കടന്നുകയറി ഭീഷണിപ്പെടുത്തുകയും അസഭ്യം പറയുകയും ചെയ്തതായി പരാതി.ആറ്റിങ്ങൽ പകൽക്കുറിയിലാണ് സംഭവം നടന്നത്. ബിജെപി സ്ഥാനാ‍ര്‍ത്ഥിയുടെ തെരഞ്ഞെടുപ്പ് പ്രചാരണ ജാഥ ഇവിടേക്ക് എത്തിയപ്പോൾ മൂന്നംഗ സംഘം ബൈക്കിൽ ജാഥയിലേക്ക് കടന്നുകയറുകയായിരുന്നു എന്നാണ് പരാതി .
ഇവർ സ്ഥാനാര്‍ത്ഥിക്കെതിരെ ഭീഷണിയും അസഭ്യ വര്‍ഷവും മുഴക്കുകയായിരുന്നുവെന്ന് സ്ഥാനാര്‍ത്ഥിയും പ്രവര്‍ത്തകരും പറയുന്നു. ഒരു ബൈക്കിലെത്തിയ മൂന്ന് പേരുടെ ദൃശ്യങ്ങൾ ബിജെപി പ്രവര്‍ത്തകര്‍ പകര്‍ത്തിയത് പുറത്തുവിട്ടിട്ടുണ്ട്. ഇത് പിന്നീട് പള്ളിച്ചൽ പൊലീസിന് കൈമാറി. ഭീഷണി മുഴക്കിയത് സിപിഎം പ്രവര്‍ത്തകരാണെന്ന് ബിജെപി ആരോപിക്കുന്നു.
