സംസ്ഥാനത്ത് ഉഷ്ണതരംഗത്തിന് സാധ്യത..ജാഗ്രത…

സംസ്ഥാനത്ത് ഉഷ്ണതരംഗത്തിന് സമാനമായ സാഹചര്യമെന്ന് മുന്നറിയിപ്പ്.നിലവിൽ കടന്നുപോകുന്നത് സീസണിലെ ഏറ്റവും ചൂട് കൂടിയ ദിവസങ്ങളിലൂടെയാണ് .വെള്ളിയാഴ്ച വരെയുള്ള ദിവസങ്ങളിൽ താപനില രണ്ട് മുതൽ നാല് വരെ ഉയരാമെന്നും അറിയിപ്പ് .ജാഗ്രതയുടെ ഭാഗമായി 12 ജില്ലകളില്‍ യെല്ലോ അലർട്ട് പ്രഖ്യാപിച്ചു .

ഇടുക്കി, വയനാട് ജില്ലകളിലൊഴികെയാണ് യെല്ലോ അല്ലർട്ട് പ്രഖ്യാപിച്ചത് .സംസ്ഥാനത്ത് വേനൽച്ചൂട് മുമ്പൊരിക്കലും ഉണ്ടായിട്ടില്ലാത്ത വിധം വർധിക്കുകയാണ് .പാലക്കാട്, കൊല്ലം ജില്ലകളിൽ ഉഷ്ണതരംഗത്തിന് സാധ്യതയുണ്ടെന്ന് കാലാവസ്ഥ വിദഗ്ധർ മുന്നറിയിപ്പ് നൽകുന്നു. തുടർച്ചയായി രണ്ട് ദിവസം 40 ഡിഗ്രി സെൽഷ്യസിനു മുകളിൽ ചൂടു രേഖപ്പെടുത്തുകയും ശരാശരി താപനിലയെക്കാൾ 4-5 ഡിഗ്രി സെൽഷ്യസ് ചൂട് ഉയരുകയും ചെയ്താലാണ് ഉഷ്ണതരംഗമായി പ്രഖ്യാപിക്കുക.