സ്ത്രീയെ ശല്യം ചെയ്യുന്നത് അന്വേഷിക്കാനെത്തിയ പോലീസിന് നേരെ ആക്രമണം…
തിരുവല്ലയിൽ സ്ത്രീയെ ശല്യം ചെയ്യുന്നു എന്ന പരാതിയിന്മേൽ അന്വേഷിക്കാനെത്തിയ പൊലീസ് സംഘത്തിന് നേരെ ആക്രമണം .ലഹരിക്ക് അടിമകളായ അഞ്ചംഗ സംഘമാണ് ആക്രമണം നടത്തിയത് .ആക്രമണത്തിൽ പുളിക്കീഴ് പൊലീസ് സ്റ്റേഷനിലെ സിവിൽ പോലീസ് ഓഫീസർക്ക് പരിക്കേറ്റു . സിവിൽ പൊലീസ് ഓഫീസർ കെ.എം. അനിൽ കുമാറിനാണ് പരിക്കേറ്റത്. ഇയാളെ തിരുവല്ല താലൂക്ക് ആശുപത്രിയിൽ പ്രവേശിപ്പിച്ചു .
ഞായറാഴ്ച രാത്രി എട്ടു മണിയോടെ ആയിരുന്നു സംഭവം. നിരന്തരമായി ഭീഷണിപ്പെടുതുകയും ശല്യം ചെയ്യുന്നു എന്ന പരാതിയുടെ അടിസ്ഥാനത്തിൽ അന്വേഷിക്കാനെത്തിയ പോലീസിനെ യുവാക്കൾ ആക്രമിക്കുകയായിരുന്നു .അലക്സ്, പ്രശാന്ത്, റോബിൻ, ജെയിംസ്, പ്രിൻസ്, ശ്രീനാഥ് എന്നിവരായിരുന്നു അക്രമി സംഘത്തിൽ ഉണ്ടായിരുന്നത് .ഇവരെ അറസ്റ്റ് ചെയ്ത് റിമാന്റിൽ ആക്കി .
