അമ്പലപ്പുഴയിൽ ബസും ബൈക്കും കൂട്ടിയിടിച്ച് അപകടം.. ഗതാഗതം സ്തംഭിച്ചു…

അമ്പലപ്പുഴ: ദേശീയപാതയിൽ കാക്കാഴം മേൽപ്പാലത്തിൽ ബസും ബൈക്കും കൂട്ടിയിടിച്ച് അപകടം. ഇന്ന് ഉച്ചയ്ക്ക് 1-30 ഓടെ ആയിരുന്നു അപകടം. ആലപ്പുഴയിൽ നിന്നും കൊല്ലത്തേക്ക് പോകുകയായിരുന്ന കെ.എസ്.ആർ.ടി.സി ബസ്സ് മറ്റൊരു വാഹനത്തെ മറികടന്ന് പോകവെ എതിർദിശയിൽ വന്ന ബൈക്കിൽ തട്ടി നിയന്ത്രണം തെറ്റി ഫുട്പാത്തിലേക്ക് ഇടിച്ചു കയറുകയായിരുന്നു. അപകടത്തിൽ ബൈക്ക് യാത്രികന് നിസാര പരിക്കേറ്റു. തുടർന്ന് ബസ്സിലെ യാത്രക്കാരെ മറ്റ് ബസ്സുകളിൽ കയറ്റി വിട്ടു. അപകടത്തെ തുടർന്ന് മണിക്കൂറുകളോളം ഗതാഗതം സ്തംഭിച്ചു. ഫുട്പാത്തിന് മുകളിൽ കയറിയ ബസിന്റെ വീൽ പിന്നീട് ബസ്സ് ഡ്രൈവർ ഓടിച്ച് താഴെ ഇറക്കി പാലത്തിൻ്റെ ഒരു വശത്തേക്ക് മാറ്റിയ ശേഷമാണ് ഗതാഗതം പുനസ്ഥാപിച്ചത്. അമ്പലപ്പുഴ പൊലീസ് എത്തിയാണ് ഗതാഗതം നിയന്ത്രിച്ചത്.