വീട്ടമ്മയുടെ അശ്ലീല ഫോട്ടോകൾ നവ മാധ്യമങ്ങളിൽ പ്രചരിപ്പിച്ചയാൾ കസ്റ്റഡിയിൽ

അമ്പലപ്പുഴ: വീട്ടമ്മയുടെ നഗ്നചിത്രങ്ങൾ നവ മാധ്യമങ്ങളിൽ ഷെയർ ചെയ്തത അമ്പലപ്പുഴ വടക്കു പഞ്ചായത്ത് നീർക്കുന്നം ഇജാബ പള്ളിക്കു സമീപം വലിയ കുടിലിൽ വീട്ടിൽ അനിൽകുമാറിൻ്റെ മകൻ അനീഷ് (33)നെ അമ്പലപ്പുഴ പൊലീസ് അറസ്റ്റു ചെയ്തു. വൈക്കം സ്വദേശിനിയായ വീട്ടമ്മയുടെ പരാതിയെ തുടർന്നാണ് അറസ്റ്റ്. നീർക്കുന്നം ഭാഗത്ത് ലോട്ടറി കച്ചവടം നടത്തി വരുന്ന ഇയ്യാൾ ഫെയ്സ്സ് ബുക്കു വഴിയാണ് വീട്ടമ്മയെ പരിചയപ്പെട്ടത്.പിന്നീട് വീട്ടമ്മയുടെ നഗ്നചിത്രങ്ങൾ വാട്സാപ്പ് വഴി ശേഖരിച്ച് നവ മാധ്യമങ്ങളിൽ ഷെയർ ചെയ്തെന്നാണ് വീട്ടമ്മ നൽകിയ പരാതിയിൽ പറയുന്നത്. അമ്പലപ്പുഴ ഡി.വൈ.എസ്.പി എസ്.റ്റി.സുരേഷ് കുമാറിൻ്റെ നിർദേശപ്രകാരം എസ്.എച്ച്.ഒ ദ്വിജേഷ്, എസ്.ഐ.ടോൾസൺ, പി.ജോസഫ്, ഗ്രേഡ് എസ്.ഐ ബൈജു, സി.പി.ഒ വിനു കൃഷ്ണൻ എന്നിവരാണ് പ്രതിയെ കസ്റ്റഡിയിലെടുത്തത്.