കനാലിൻ്റെ കൈവരിയിലിരുന്ന 65കാരൻ കനാലില്‍ വീണ് മരിച്ചു
വർക്കല: കനാലിൻ്റെ കൈവരിയിലിരുന്ന 65 കാരൻ കനാലിൽ വീണ് മരിച്ചു. ശ്രീനിവാസപുരം സ്വദേശി ഗോപി (65)യാണ് മരിച്ചത്. വർക്കല ശിവഗിരിയിലാണ് സംഭവം. തുരപ്പിൻ മുഖം കനാലിന്‍റെ കൈവരിയിൽ ഇരിക്കുകയായിരുന്ന ഗോപി അബദ്ധത്തിൽ പുറകിലേക്ക് മലര്‍ന്ന് വീണ് 25 അടി താഴ്ചയിലേക്ക് പതിക്കുകയായിരുന്നു. വിവരമറിഞ്ഞ് എത്തിയ അഗ്നിരക്ഷാസേന ഇയാളെ വർക്കല താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. നട്ടെല്ലിന് ഗുരുതരമായ ക്ഷതം സംഭവിച്ചതാണ് മരണകാരണം.
