കാണാതായ കുട്ടികളിൽ ഒരാൾ മരിച്ച നിലയിൽ

തൃശൂർ: വെള്ളിക്കുളങ്ങര ശാസ്താംപൂവം കോളനിയിൽ നിന്നും കാണാതായ കുട്ടികളിൽ ഒരാളുടെ മൃതദേഹം കണ്ടെത്തി. എട്ട് വയസുകാരനായ അരുൺ കുമാറിന്റെ മൃതദേഹമാണ് ലഭിച്ചത്. വനാതിർത്തിയിലെ ഫയർ ലൈനിന് സമീപത്ത് നിന്നാണ് കുട്ടിയുടെ മൃതദേഹം കണ്ടെത്തിയത്. അതേസമയം 15-കാരനായ സജി കുട്ടനായി തിരച്ചിൽ തുടരുകയാണ്. കുട്ടികളെ കണ്ടെത്തുന്നതിനായി കോളനിക്ക് സമീപത്തുള്ള ഉൾവനത്തിൽ പോലീസിന്റെയും വനംവകുപ്പിന്റെയും നേതൃത്വത്തിൽ ഇന്നലെ മുതൽ തിരച്ചിൽ ആരംഭിച്ചിരുന്നു. വനമേഖലയെ ഏഴായി തിരിച്ച് 15 പേർ അടങ്ങുന്ന ഏഴു സംഘങ്ങളാണ് പരിശോധന നടത്തുന്നത്.