മണ്ണിടിഞ്ഞ് വീണു.. ഒരാൾ കൂടി മരിച്ചു…

കൊച്ചി: എറണാകുളം പിറവത്ത് മണ്ണിടിഞ്ഞ് വീണ് ഉണ്ടായ അപകടത്തിൽ ഒരാൾ കൂടി മരിച്ചു. നേരത്തെ രണ്ടുപേർ മരിച്ചിരുന്നു. മൂന്ന് ഇതര സംസ്ഥാന തൊഴിലാളികൾ ആണ് മരിച്ചത്. പിറവം പേപ്പതിയിലാണ് അപകടം ഉണ്ടായത്. ഗൗർ, സുബ്രധോ, സുകുമാർ ഘോഷ് എന്നിവരാണ് അപകടത്തില്‍ മരിച്ചത്. മൂന്ന് പേരും പശ്ചിമ ബംഗാൾ സ്വദേശികളാണ്. ആകെ എട്ട് തൊഴിലാളികൾ അപകട സമയത്ത് സ്ഥലത്ത് ഉണ്ടായിരുന്നത്. ഇതില്‍ മൂന്ന് പേർ മണ്ണിനടിയിൽപ്പെടുകയായിരുന്നു.കെട്ടിട നിർമ്മാണത്തിന് മണ്ണ് നീക്കുന്നതിനിടെയാണ് അപകടം സംഭവിച്ചത്. മൂന്ന് നില കെട്ടിടം നിർമ്മിക്കാനായി മണ്ണ് മാറ്റുകയായിരുന്നു തൊഴിലാളികൾ.