ഹരിപ്പാട് ബൈക്ക് മരത്തിലിടിച്ചു അപകടം.. യുവാവിന് ദാരുണാന്ത്യം….

ഹരിപ്പാട്: ബൈക്ക് മരത്തിലിടിച്ച് യുവാവിന് ദാരുണാന്ത്യം. യൂത്ത് കോൺഗ്രസ്സ് സംസ്ഥാന സെക്രട്ടറി കെ.എസ് ഹരികൃഷ്ണന്റെ സഹോദരൻ പള്ളിപ്പാട് സ്വദേശി കെ.എസ് ഉണ്ണികൃഷ്ണൻ(29) ആണ് മരിച്ചത്. ഇന്നലെ രാത്രി 11മണിയോടെ പള്ളിപ്പാട് വലിയവീട്ടിൽ ക്ഷേത്രത്തിനു സമീപമായിരുന്നു അപകടം. ബൈക്ക് റോഡരികിലെ മരത്തിലേക്ക് ഇടിച്ചു കയറിയാണ് അപകടമുണ്ടായത്. ഉണ്ണികൃഷ്ണൻ സംഭവ സ്ഥലത്തുവെച്ചു തന്നെ മരിച്ചു. മൃതദേഹം ഹരിപ്പാട് ഗവൺമെന്റ് മോർച്ചറിയിലേക്ക് മാറ്റി. ഗൾഫിൽ ജോലി ചെയ്യുകയായിരുന്ന ഉണ്ണികൃഷ്ണൻ കഴിഞ്ഞ ദിവസമാണ് നാട്ടിലെത്തിയത്.