വിസ്മൃതിയിലാണ്ട മലബാർ വെള്ളിത്തിരയിൽ, കാലിക്കറ്റ് സർവകലാശാലയിൽ 98 വർഷം പഴക്കമുള്ള അപൂർവ്വ സിനിമകളുടെ പ്രദർശനം…
മലയാള ദൃശ്യമാധ്യമ സംസ്കാരത്തിന്റെ രൂപീകരണ ഘട്ടത്തിലേക്കും സാമൂഹിക ചരിത്രത്തിലേക്കും വെളിച്ചം വീശുന്ന അപൂർവ്വമായ രാജ്യാന്തര നിശബ്ദ സിനിമകളുടെ പ്രദർശനം കാലിക്കറ്റ് സർവകലാശാലയിൽ നടന്നു. പ്രമുഖ ജർമൻ ഫിലിം ഓപ്പറേറ്ററും ഫോട്ടോഗ്രാഫറുമായ വിൽഹം ഡാച്വിറ്റി, 98 വർഷങ്ങൾക്ക് മുമ്പ് കോഴിക്കോട് കേന്ദ്രീകരിച്ച് ചിത്രീകരിച്ച ദൃശ്യങ്ങളാണ് ഇന്ത്യയിൽ ഇതാദ്യമായി പ്രദർശിപ്പിച്ചത്. സ്വിറ്റ്സർലൻഡ് നാഷണൽ ഫിലിം ആർക്കൈവിന്റെ സഹകരണത്തോടെ കാലിക്കറ്റ് യൂണിവേഴ്സിറ്റി ജേണലിസം ആൻഡ് മാസ് കമ്മ്യൂണിക്കേഷൻ ഡിപ്പാർട്ട്മെന്റാണ് ഈ ചരിത്ര പ്രദർശനം സംഘടിപ്പിച്ചത്.
