വീടൊഴിയാൻ  സമ്മർദം ചെലുത്തിയതിനെ തുടർന്ന് 64കാരൻ ആത്മഹത്യ ചെയ്തു

വീടൊഴിയാൻ സമ്മർദം ചെലുത്തിയതിനെ തുടർന്ന് 64കാരൻ ആത്മഹത്യ ചെയ്തു. തൃശ്ശൂർ ചാലക്കുടിയിലാണ് സംഭവം. വെട്ടുക്കടവിൽ എംകെഎം റോഡിലെ സോമസുന്ദര പണിക്കരാണ് മരിച്ചത്. ധനകാര്യ സ്ഥാപനത്തിൽ സാമ്പത്തിക ബാധ്യത ഉണ്ടായിരുന്നു. വീടും ഭൂമിയും ധനകാര്യ സ്ഥാപനത്തിന്റെ പേരിലാണ്. തുടർന്ന് വീടൊഴിയണമെന്ന് ആവശ്യപ്പെട്ടുകൊണ്ട് സോമസുന്ദര പണിക്കർക്ക് സമ്മർദം ഉണ്ടായിരുന്നതായാണ് വിവരങ്ങൾ. വീട്ടിൽ അതിക്രമിച്ച് കയറി താമസം തുടരുന്നുവെന്നായിരുന്നു ധനകാര്യ സ്ഥാപനത്തിന്റെ പരാതി.