ടിപ്പർ ലോറിയും സ്കൂട്ടറും കൂട്ടിയിടിച്ചു; കായംകുളം സ്വദേശിയായ സ്കൂട്ടർ യാത്രികൻ മരിച്ചു
ടിപ്പർ ലോറി സ്കൂട്ടറിലിടിച്ച് യുവാവ് മരിച്ചു. കരിമുളയ്ക്കൽ സ്വദേശി കാട്ടിൽകുളത്തിൽ വീട്ടിൽ ജോർജ് മാത്യു ക്രിസ്റ്റി (40 )യാണ് മരിച്ചത്. കെപി റോഡിൽ വിവിഎച്ച് എസ്എസിനു സമീപമുള്ള വളവിൽ വച്ചായിരുന്നു അപകടം. ജോർജ് മാത്യു ക്രിസ്റ്റി ഓടിച്ച സ്കൂട്ടറും ടിപ്പർ ലോറിയുമായി കൂട്ടിയിടിക്കുകയായിരുന്നു. അപകടത്തിൽ ഗുരുതരമായി പരിക്കേറ്റ ഇദ്ദേഹത്തെ നാട്ടുകാർ ചേർന്ന് ഉടൻ തന്നെ ആശുപത്രിയിലേക്ക് മാറ്റി. കായംകുളം സർക്കാർ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. തലയ്ക്ക് ഗുരുതരമായി പരിക്കേറ്റതാണ് മരണത്തിലേക്ക് നയിച്ചതെന്നാണ് വിവരം. മൃതദേഹം പോസ്റ്റ്മോർട്ടം അടക്കമുള്ള നിയമപരമായ നടപടിക്രമങ്ങൾ പൂർത്തിയാക്കി ബന്ധുക്കൾക്ക് വിട്ടുകൊടുത്തു. സംസ്കാരം പിന്നീട്
