3 വയസുകാരന്റെ ഡ്രൈവിംഗ്..കയ്യോടെപൊക്കി എഐ ക്യാമറ,ലൈസൻസ് റദ്ദാക്കി…

കോഴിക്കോട് പുറക്കാട്ടിരിയിൽ മൂന്ന് വയസുകാരനെ മടിയിൽ ഇരുത്തി കാര്‍ ഓടിച്ച മലപ്പുറം സ്വദേശിയുടെ ലൈസൻസ് റദ്ദാക്കി മോട്ടോർ വാഹന വകുപ്പ് . മലപ്പുറം സ്വദേശി മുഹമ്മദ് മുസ്തഫയുടെ ലൈസൻസാണ് മൂന്നു മാസത്തേക്ക് സസ്പെൻഡ് ചെയ്തത്.തിരക്കേറിയ റോഡിലായിരുന്നു അപകടകരമായ ഡ്രൈവിംഗ്. എഐ കാമറയിൽ പതിഞ്ഞ ദൃശ്യത്തിന്റെ അടിസ്ഥാനത്തിൽ ഉടമയോട് വിശദീകരണം തേടിയതിനുശേഷമാണ്‌ മോട്ടോർ വാഹന വകുപ്പ് നടപടി സ്വീകരിച്ചത്.

പ്രഥമ ദൃഷ്ടിയാൽ അപകടകരമാകും വിധത്തിലുള്ള ഡ്രൈവിംഗ് നടത്തി,മറ്റുള്ളവർക്ക് ബുദ്ധിമുട്ടുണ്ടാക്കുന്ന രീതിയിൽ വാഹനം ഓടിച്ചു എന്നീ സാഹചര്യങ്ങളിലാണ് ലൈസൻസ് സസ്‌പെൻഡ് ചെയ്തതെന്ന് കോഴിക്കോട് ആർടിഎ പറഞ്ഞു .