എടിഎം കവർച്ച..പ്രതികൾ നിസ്സാരക്കാരല്ല.. പ്രായോഗിക പരിശീലനം നേടയിവർ…
തൃശ്ശൂരില് എടിഎം കവര്ച്ച നടത്തിയ പ്രതികള് പ്രായോഗിക പരിശീലനം നേടിയവരെന്ന് പൊലീസ്. ബാങ്കുകളിൽ നിന്ന് ഉപയോഗശൂന്യമായ എടിഎമ്മുകള് ലേലത്തില് വിളിച്ചെടുത്ത് ഗ്യാസ് കട്ടര് ഉപയോഗിച്ച് തകര്ത്ത് കൊള്ള സംഘം പരിശീലനം നേടിയിട്ടുണ്ടെന്നും പോലീസ് പറയുന്നു.ശേഷം ഏറ്റവും പ്രഹരശേഷിയുള്ളതും എളുപ്പം ഉപയോഗിക്കാവുന്നതുമായ ഗ്യാസ് കട്ടര് വാങ്ങിയാകും പരിശീലനം നടത്തിയിട്ടുണ്ടാവുകയെന്നാണ് സംശയിക്കുന്നത്. 10 മിനിറ്റില് ക്യാഷ് പുറത്തെടുക്കാവുന്ന മികച്ച രീതിയിലുള്ള പരിശീലനമാണ് സംഘം നടത്തിയിരിക്കുന്നത്. തൃശ്ശൂർ ജില്ലയിലെ മാപ്രാണം, കോലഴി, ഷൊര്ണൂര് റോഡ് എന്നിവിടങ്ങളിലെ എസ്ബിഐയുടെ എടിഎമ്മുകള് ഇന്നലെ പുലര്ച്ചെയാണ് സംഘം കൊള്ളയടിച്ചത്.
ഹരിയാനയില് നിന്ന് ബുധനാഴ്ച ചെന്നൈയില് എത്തിയ പ്രതികള് അവിടെ നിന്നാണ് കേരളത്തിലേക്ക് കടന്നത്. മൂന്ന് സംഘങ്ങളായാണ് പ്രതികള് ചെന്നൈയില് എത്തിയത്. ഇതില് രണ്ട് പേര് വിമാനത്തിലും മൂന്ന് പേര് കാറിലും രണ്ട് പേര് ലോറിയിലുമാണ് സഞ്ചരിച്ചത്. കോയമ്പത്തൂരില് എത്തിയ ശേഷം പ്രതികള് ഒരുമിച്ചാണ് യാത്ര ചെയ്തതെന്ന് പൊലീസ് അറിയിച്ചിരുന്നു.