നിർഭയ കേന്ദ്രത്തിൽനിന്ന് പെൺകുട്ടികളെ കാണാതായ സംഭവം..ഒരാൾ വീട്ടിലെത്തിയതായി…
പാലക്കാട് നിർഭയ കേന്ദ്രത്തിൽനിന്ന് മൂന്ന് പെൺകുട്ടികളെ കാണാതാ സംഭവത്തിൽ നിർണായക വിവരം.കാണാതായ പെൺകുട്ടികളിൽ ഒരാൾ ബുധനാഴ്ച വൈകീട്ടോടെ മണ്ണാർക്കാട്ടെ വീട്ടിലെത്തിയതായി പൊലീസ് അറിയിച്ചു.മറ്റു രണ്ടുപേരെ കണ്ടത്താനുള്ള തീവ്ര ശ്രമത്തിലാണ് പൊലീസ്.അന്വേഷണത്തിനായി പ്രത്യേക പൊലീസ് സംഘം രൂപവത്കരിച്ചു.
തിങ്കളാഴ്ച രാത്രി പത്തോടെയാണ് വനിത-ശിശുവികസന വകുപ്പിന് കീഴിലെ സഖി വൺ സ്റ്റോപ് സെന്ററിൽ നിന്ന് 17 വയസ്സുള്ള രണ്ടുപേരും പതിനാലുകാരിയും പുറത്തുപോയത്. ഇവരെ നഗരത്തിലെ ‘നിർഭയകേന്ദ്ര’ത്തിൽ നിന്ന് തിരുവോണ ദിവസം കാണാതായതാണ്. പിടികൂടിയശേഷം ജില്ല ആശുപത്രിക്ക് മുകളിലെ സഖി കേന്ദ്രത്തിലാക്കുകയായിരുന്നു.കാണാതായതിൽ പോക്സോ അതിജീവിതയും ഉള്പ്പെട്ടിട്ടുണ്ട്.