മണിപ്പൂരിലെ സ്ഥിതി മോശം..അജ്ഞാതർ സർക്കാർ ആശുപത്രി കത്തിച്ചു…
വംശീയ സംഘർഷം നിലനിൽക്കുന്ന മണിപ്പൂരിൽ അജ്ഞാതർ സർക്കാർ ആശുപത്രി കത്തിച്ചു. ജിരിബം ജില്ലയിൽ ബോറോബെക്ര മേഖലയിൽ വ്യാഴാഴ്ച രാവിലെ പൊലീസ് ഔട്ട്പോസ്റ്റിന് സമീപമുള്ള പ്രാഥമിക ആരോഗ്യകേന്ദ്രമാണ് കത്തിച്ചത്. ഇവിടെ ആരുമില്ലായിരുന്നു.അതിനാൽ വൻ അപകടമാണ് ഒഴിവായത്.സുരക്ഷസേന ഉടൻ സ്ഥലത്തെത്തി.ജിരിബം ജില്ലയിൽ ഈ മാസം ഏഴിന് നടന്ന അക്രമത്തിൽ അഞ്ചുപേർ കൊല്ലപ്പെട്ടിരുന്നു. വംശീയകലാപം പടരാതിരുന്ന ജിരിബം ജില്ലയിൽ ജൂണിൽ 59കാരൻ കൊല്ലപ്പെട്ടതിന് പിന്നാലെയാണ് സംഘർഷം തുടങ്ങിയത്. കഴിഞ്ഞവർഷം മേയിൽ മെയ്തി- കുക്കി വിഭാഗക്കാർ തമ്മിൽ തുടങ്ങിയ സംഘർഷത്തിൽ ഇതുവരെ 200ലേറെ പേർ കൊല്ലപ്പെട്ടിട്ടുണ്ട്.