ഓപ്പറേഷൻ നടത്താനായി പണം ആവശ്യപ്പെട്ട് ഡോക്ടർ; രോഗിയുടെ പരാതിയിൽ വിശദീകരണം തേടി…

ആലപ്പുഴ: രോ​ഗിയിൽ നിന്ന് ഡോക്ടർ പണം ആവശ്യപ്പെട്ടതായി പരാതി. കായംകുളം താലൂക്ക് ആശുപത്രിയിൽ ഓപ്പറേഷൻ നടത്താനായി എത്തിയ രോ​ഗിയോടാണ് ഓപ്പറേഷനായി പണം വേണമെന്ന് ഡോക്ടർ ആവശ്യപ്പെട്ടുവെന്ന പരാതി വന്നിരിക്കുന്നത്.

യൂട്രസ് സംബന്ധമായ ചികിത്സയ്ക്കായി താലൂക്ക് ആശുപത്രിയിൽ ചികിത്സ തേടിയതാണ് മാജിത. യൂട്രസ് നീക്കം ചെയ്യണമെന്നും ഇതിനായി ബുധനാഴ്ച അഡ്മിറ്റ് ആകാനും ഡോക്ടർ മാജിതയോട് പറഞ്ഞു. വെള്ളിയാഴ്ച ശസ്ത്രക്രിയ ചെയ്യാമെന്നും അന്ന് തന്നെ 3000 രൂപ തനിക്കും 1500 രൂപ അനസ്തേഷ്യ വിഭാഗത്തിലും നൽകണമെന്നും ഡോക്ടർ ആവശ്യപ്പെട്ടതായി മാജിത വെളിപ്പെടുത്തി.

സംഭവത്തിൽ ആരോഗ്യ വകുപ്പ് മന്ത്രി വീണാ ജോർജ് വിശദീകരണം ആവശ്യപ്പെട്ടു. വിജിലൻസ് ഉദ്യോഗസ്ഥർ മാജിതയുടെ മൊഴിയും രേഖപ്പെടുത്തി.