പാലക്കാട് നിന്ന് വിനോദയാത്രക്ക് പോയ 14 വയസുകാരിയെ കാണാതായി; തിരച്ചിൽ തുടരുന്നു

പാലക്കാട് നിന്ന് വിനോദയാത്രക്ക് പോയ 14 വയസുകാരിയെ കാണാതായി. കുട്ടിയെ ചിക്ക്മം​ഗളൂരിൽ വച്ചാണ് കാണാതായത്. കടമ്പഴിപ്പുറം സ്വദേശിനിയായ ശ്രീനന്ദയെയാണ് കാണാതായത്. ചിക്ക്മം​ഗളൂരു മണിക്കധാര വ്യൂപോയിന്റിൽ ഇന്നലെയാണ് സംഭവം. 40 അം​ഗ സംഘത്തോടൊപ്പമാണ് കുട്ടി പോയത്. എന്നാൽ കുട്ടിയെ വൈകുന്നേരത്തോടെ കാണാതാവുകയായിരുന്നു. പ്രദേശത്തും വനത്തിലും ഉൾപ്പെടെ തിരച്ചിൽ തുടരുന്നു. കൂടുതൽ വിവരങ്ങൾ പുറത്ത് വന്നിട്ടില്ല.