ഹയർസെക്കൻഡറി രണ്ടാംവർഷ പരീക്ഷ.. ചോദ്യപേപ്പറിൽ തന്നെ ഉത്തരവും…

കോഴിക്കോട്: ചോദ്യപേപ്പറിൽ തന്നെ ഉത്തരവും അച്ചടിച്ച് ഹയർസെക്കൻഡറി രണ്ടാംവർഷ പരീക്ഷ. കഴിഞ്ഞ ദിവസം നടന്ന ഇംഗ്ലീഷ് പരീക്ഷയുടെ ചോദ്യപേപ്പറിലാണ് രണ്ടു സ്കോറിനുള്ള 12-ാമത്തെ ചോദ്യത്തിനുള്ള ഉത്തരം എട്ട് സ്‌കോറിനുള്ള 27-ാമത്തെ ചോദ്യത്തിൽ ഉൾപ്പെടുത്തി അച്ചടിച്ച് നൽകിയത്. വിട്ടഭാഗം പൂരിപ്പിക്കാനുള്ളതാണ് 12-ാമത്തെ ചോദ്യം. ഇതിനായി രണ്ട് ഇടങ്ങൾ ഒഴിച്ചിട്ടിട്ടുള്ള വാക്യവും സൂചനകളും ചോദ്യമായി നൽകി. പ്രസംഗം തയ്യാറാക്കാനുള്ളതാണ് എട്ട് സ്‌കോറിനുള്ള 27-ാമത്തെ ചോദ്യം. ഈ ചോദ്യത്തിന്റെ ആദ്യഭാഗത്ത് 12-ാമത്തെ ചോദ്യമായി വന്ന അതേ വരിതന്നെയുണ്ട്. അശ്രദ്ധമായിട്ടാണ് ചോദ്യപ്പേപ്പർ അച്ചടിച്ച്‌ നൽകിയിരിക്കുന്നതെന്ന് അധ്യാപകർ പറഞ്ഞു.