സെമിത്തേരിയിൽ എത്തിച്ച് കൊല്ലാൻ ശ്രമം..പ്രതികൾക്ക് കഠിനതടവ്…

കൊച്ചിയിൽ സഹോദരിയുടെ ഭർത്താവിന്റെ സഹോദരനെയും സുഹൃത്തിനെയും സെമിത്തേരിയിൽ വിളിച്ചുവരുത്തി കൊല്ലാൻ ശ്രമിച്ച കേസിൽ പ്രതികൾക്ക് മൂന്ന് വർഷം കഠിനതടവ് .ഫോർട്ട്കൊച്ചി വേലുവിൽ ഇമ്മാനുവൽ ജോസഫ് (20), ഫോർട്ട്‌ കൊച്ചി ആറാട്ടുകുളകര വീട്ടിൽ ആഷിൽ, കണ്ണമാലി പട്ടാളത്തു വീട്ടിൽ നിബു എന്നിവരെയാണ് എറണാകുളം അസിസ്റ്റന്റ് സെഷൻ കോടതി ശിക്ഷിച്ചത് .

ഒന്നാം പ്രതിയുടെ സഹോദരിയുടെ ഭർത്താവ് മരണപ്പെട്ടു പോയ ശ്രീജിത്തിനെ അടക്കിയിരിക്കുന്ന തൃപ്പൂണിത്തുറ സെന്റ് മേരിസ് സെമിത്തെരിയിൽ ശ്രീജിത്തിന്റെ സഹോദരൻ സോജൻ ജോസഫിനെയും സുഹൃത്ത് കൃഷ്ണസ്കുമാറിനെയും വിളിച്ചുവരുത്തി .തുടർന്ന് സഹോദരിയെ വഴക്കുപറഞ്ഞു എന്നുപറഞ്ഞ് പ്രതികൾ സോജൻ ജോസഫിനെയും സുഹൃത്തിനെയും ചെടിച്ചട്ടി കൊണ്ട് അടിച്ചും ഇടിച്ചും പരിക്കേൽപ്പിച്ച് വധിക്കാൻ ശ്രമിക്കുകയായിരുന്നു .