സെക്രട്ടേറിയറ്റ് യോഗത്തിന് ശേഷം പ്രതികരിക്കാതെ ഇ.പി…
തിരുവനന്തപുരം: സിപിഐഎം സംസ്ഥാന സെക്രട്ടേറിയറ്റ് യോഗത്തിന് ശേഷം പ്രതികരിക്കാതെ എല്ഡിഎഫ് കണ്വീനര് ഇ പി ജയരാജന്. ബിജെപി നേതാവ് പ്രകാശ് ജാവദേക്കറുമായി നടത്തിയ കൂടിക്കാഴ്ച്ച യോഗത്തില് ചര്ച്ചയായോ എന്ന ചോദ്യത്തോട് പ്രതികരിച്ചില്ല. മറിച്ച് കാറില് കയറി മാധ്യമങ്ങള്ക്ക് മുന്നില് കൈകൂപ്പി മടങ്ങുകയായിരുന്നു.രാവിലെ 10 മണിയോടുകൂടിയാണ് തിരുവനന്തപുരത്തെ എകെജി സെന്ററില് സിപിഐഎം സംസ്ഥാന സെക്രട്ടറിയേറ്റ് യോഗം തുടങ്ങിയത്. തിരഞ്ഞെടുപ്പ് അവലോകനമായിരുന്നു പ്രധാന അജണ്ട. സിപിഐഎമ്മിനെ ഏറെ പ്രതിരോധത്തില് ആക്കിയ തിരഞ്ഞെടുപ്പ് ദിനത്തിലെ ഇ പി ജയരാജന്റെ തുറന്നുപറച്ചില് സംസ്ഥാന സെക്രട്ടറിയേറ്റ് യോഗം ചര്ച്ച ചെയ്യുമെന്നായിരുന്നു വിവരം. എന്നാല് യോഗത്തിന് ശേഷം വിഷയത്തില് ഇ പി പ്രതികരിച്ചില്ല.
