സുരേഷ്ഗോപിയുടെ മാതൃക പിന്തുടരും..ആലപ്പുഴ കേന്ദ്രീകരിച്ചു പ്രവർത്തിക്കുമെന്ന് ശോഭ സുരേന്ദ്രൻ…

രണ്ടു വട്ടം തോറ്റിട്ടും തൃശ്ശൂർ കേന്ദ്രീകരിച്ചു പ്രവർത്തിച്ച സുരേഷ് ഗോപിയുടെ മാതൃക പിന്തുടരുമെന്ന് ശോഭ സുരേന്ദ്രൻ.താൻ ഇനി ആലപ്പുഴ കേന്ദ്രീകരിച്ചു പ്രവർത്തിക്കും.ആറ്റിങ്ങലിൽ താൻ തന്നെ നിന്നിരുന്നെങ്കിൽ ജയിക്കുമായിരുന്നു എന്ന ചോദ്യത്തിന് ഇവിടെ പ്രസക്തി ഇല്ലെന്നും അവർ പറഞ്ഞു.ബിജെപിയെ ഒരു ബദലായി സിപിഎം പ്രവർത്തകർ കാണുന്നു എന്നതിന് തെളിവാണ് തനിക്ക് ആലപ്പുഴയിലെ ചെങ്കോട്ടകളിൽ ലഭിച്ച വോട്ടുകളെന്നും അവര്‍ വ്യക്തമാക്കി.

ആലപ്പുഴയിൽ മികച്ച പ്രകടനം ആയിരുന്നു ശോഭ പങ്കുവെച്ചത്. സിപിഎം കോട്ടകളില്‍ വിള്ളലുണ്ടാക്കി ശോഭ സുരേന്ദ്രന്‍ മുന്നേറിയപ്പോള്‍ ബിജെപിക്ക് ലഭിച്ചത് മൂന്ന് ലക്ഷത്തിനടത്തു വോട്ടുകളാണ്.