സാറ്റ്ലൈറ്റ് ദൃശ്യങ്ങൾ ഐഎസ്ആർഒ കൈമാറി..വ്യക്തതയില്ലെന്ന് ജില്ലാ കളക്ടർ..അപകട ശേഷമുള്ള ചിത്രങ്ങളിൽ സൂചന…
കർണാടക ഷിരൂരിലെ സാറ്റ്ലൈറ്റ് ദൃശ്യങ്ങൾ ഐഎസ്ആർഒ കൈമാറിയെന്ന് ജില്ലാ കളക്ടർ ലക്ഷ്മി പ്രിയ.എന്നാൽ കാർമേഘം മൂടി നിൽക്കുന്നതിനാൽ ദൃശ്യങ്ങളിൽ വ്യക്തതയില്ലെന്നും കളക്ടർ പറഞ്ഞു.അപകടത്തിന് മുൻപുള്ള ദൃശ്യങ്ങൾക്കാണ് വ്യക്തതയില്ലാത്തത്.അതേസമയം അപകടം നടന്ന ശേഷമുള്ള സാറ്റലൈറ്റ് ദൃശ്യങ്ങളും ലഭിച്ചിട്ടുണ്ട്.ഇതിൽനിന്നും നിർണായകമായ സൂചന ലഭിച്ചിട്ടുണ്ടെന്നും കളക്ടർ പറഞ്ഞു.
ഇതിലെ സൂചനകൾ ഉപയോഗിച്ചാകും ഇന്നത്തെ തിരച്ചിൽ നടക്കുക. കരസേനയും നാവികസേനയും സംയുക്തമായി തിരച്ചിലിന് നേതൃത്വം നൽകുമെന്നും ഹൈ വിസിബിലിറ്റി സോണാർ സംവിധാനം എത്തിക്കുമെന്നും ജില്ലാ കളക്ടർ ലക്ഷ്മി പ്രിയ പറഞ്ഞു.
